Mga Awit 40:14-16

Ang Biblia, 2001

¹⁴Sila nawa'y mapahiya at hamaking sama-sama
    silang nagsisikap na agawin ang aking buhay;
sila nawa'y mapaurong at madala sa kahihiyan,
    silang nagnanais ng aking kapahamakan.
¹⁵Matakot nawa sila dahil sa kanilang kahihiyan
    na nagsasabi sa akin, “Aha! Aha!”

¹⁶Ngunit magalak at matuwa nawa sa iyo
ang lahat ng sa iyo'y nagsisihanap;
yaong umiibig sa iyong pagliligtas
ay patuloy nawang magsabi, “Dakilain ang Panginoon!”