Mga Awit 64:1-3

Magandang Balita Biblia (with Deuterocanon)

64 O Diyos, ang hibik ko, ang aking dalangin sana ay pakinggan,
    sa pagkaligalig dahil sa kaaway, huwag akong hayaan;
² ipagtanggol ako sa mga pakana't lihim na sabwatan,
    niyong mga pangkat na ang binabalak pawang kasamaan.
³ Ang kanilang dila'y katulad ng tabak na napakatalas,
    tulad ng palasong iniaasinta kung sila'y mangusap.