Mga Awit 68:17-19

Ang Biblia, 2001

¹⁷ Ang mga karo ng Diyos ay dalawampung libo,
    samakatuwid ay libu-libo.
    Ang Panginoon ay dumating mula sa Sinai patungo sa banal na lugar.
¹⁸ Sumampa^(A) ka sa mataas,
    pinatnubayan mo ang iyong bihag sa pagkabihag;
    tumanggap ka ng mga kaloob sa gitna ng mga tao,
oo, pati sa mga mapanghimagsik, upang makatahang kasama nila ang Panginoong Diyos.
¹⁹ Purihin ang Panginoon
    na nagpapasan araw-araw ng aming pasan,
    samakatuwid baga'y ang Diyos na siyang aming kaligtasan. (Selah)