Mga Awit 89:13-15

Magandang Balita Biblia (with Deuterocanon)

¹³Ang taglay mong lakas at kapangyarihan,
    ay walang kaparis, di matatawaran!
¹⁴Ang kaharian mo ay makatarungan,
    saligang matuwid ang pinagtayuan;
wagas na pag-ibig at ang katapatan,
    ang pamamahala mong ginagampanan.

¹⁵Mapalad ang taong sa iyo'y sumasamba, sa pagsamba nila'y inaawitan ka
at sa pag-ibig mo'y namumuhay sila.