Mga Bilang 15:38-40

Ang Biblia (1978)

³⁸ Salitain mo sa mga anak ni Israel, at sabihin mo sa kanila ^(A)na sila'y gumawa ng mga tirintas sa mga laylayan ng kanilang mga damit sa buong panahon ng kanilang mga lahi, at kanilang patungan ang tirintas ng bawa't laylayan ng isang panaling bughaw:

³⁹ At sa inyo'y magiging isang tirintas, upang inyong mamasdan, at inyong maalaala ang lahat ng mga utos ng Panginoon, at inyong tuparin; at upang huwag kayong sumunod sa inyong sariling puso ^(B)at sa inyong sariling mga mata, na ^(C)siya ninyong ipinangaapid:

⁴⁰ Upang inyong maalaala at gawin ang lahat ng aking mga utos, ^(D)at maging banal kayo sa inyong Dios.