Mga Bilang 16:47-49

Magandang Balita Biblia (with Deuterocanon)

⁴⁷ Sinunod nga ni Aaron ang sinabi ni Moises at patakbo siyang nagtungo sa gitna ng kapulungan. Pagdating niya roon ay marami nang patay. Nagsunog siya agad ng insenso at inihingi ng tawad ang sambayanan. ⁴⁸ At siya'y tumayo sa pagitan ng mga patay at buháy; at tumigil ang salot. ⁴⁹ Ang namatay sa salot na iyon ay 14,700, bukod pa sa mga namatay na kasama sa paghihimagsik ni Korah.