Mga Bilang 18:20-22

Ang Biblia (1978)

²⁰ At sinabi ng Panginoon kay Aaron, Huwag kang magkakaroon ng mana sa kanilang lupain, ni magkakaroon ka ng anomang bahagi sa gitna nila: ^(A)ako ang iyong bahagi at ang iyong mana sa gitna ng mga anak ni Israel.

Ang ikasangpung bahagi ay ipinamana sa mga Levita.

²¹ At sa mga anak ni Levi, ay narito, aking ^(B)ibinigay ang lahat ng ikasangpung bahagi sa Israel na pinakamana, na ganti ^(C)sa kanilang paglilingkod na kanilang ipinaglilingkod, sa makatuwid baga'y sa paglilingkod sa tabernakulo ng kapisanan.

^22 (D)At sa haharapin ay huwag lalapit ang mga anak ni Israel sa tabernakulo ng kapisanan, ^(E)baka sila'y magtaglay ng kasalanan, at mamatay.