Mga Bilang 29:5-7

Magandang Balita Biblia (with Deuterocanon)

⁵ Maghahandog din kayo ng isang kambing na lalaki para sa katubusan ng inyong mga kasalanan. ⁶ Ang mga handog na ito'y bukod pa sa mga handog na susunugin, at handog na pagkaing butil at inumin sa bagong buwan, at sa araw-araw. Ito'y susunugin ninyo upang ang usok nito'y maging mabangong samyo kay Yahweh.

Ang Handog sa Araw ng Pagtubos ng Kasalanan^(A)

⁷ “Sa^(B) ika-10 araw ng ikapitong buwan, magdaraos din kayo ng banal na pagpupulong. Huwag kayong kakain ni magtatrabaho sa araw na iyon.