Mga Bilang 5:8-10

Magandang Balita Biblia (with Deuterocanon)

⁸ Kung wala itong malapit na kamag-anak, ang halagang ibabayad ay mapupunta kay Yahweh at ibibigay sa mga pari, bukod sa tupang ibibigay ng nagkasala upang ihandog bilang pantubos sa kanyang kasalanan. ⁹ Lahat ng natatanging handog ng mga Israelita para kay Yahweh ay mauuwi sa paring tumanggap niyon. ¹⁰ Kukunin ng bawat pari ang handog na ibinigay sa kanya.”