Mga Gawa 10:9-11

Magandang Balita Biblia (with Deuterocanon)

⁹ Kinabukasan,^(A) samantalang naglalakbay at malapit na sa Joppa ang mga inutusan ni Cornelio, si Pedro nama'y umakyat sa bubungan^[a] upang manalangin. Bandang tanghali na noon. ¹⁰ Siya'y nagutom at gusto na niyang kumain. Ngunit habang naghihintay siyang maihanda ang pagkain, nagkaroon siya ng isang pangitain. ¹¹ Nabuksan ang langit at nakita niyang ibinababâ sa lupa ang isang parang malaking kumot na nakabitin sa apat na sulok.