Mga Gawa 11:26-28

Magandang Balita Biblia (with Deuterocanon)

²⁶ at nang kanyang matagpuan ay isinama niya ito sa Antioquia. Isang taon silang nanatili roon na kasa-kasama ng iglesya, at nagtuturo sa maraming tao. Doon sa Antioquia unang tinawag na Cristiano ang mga tagasunod ni Jesus.

²⁷ Nang panahong iyon, dumating sa Antioquia ang ilang propeta mula sa Jerusalem. ²⁸ Tumayo^(A) ang isa sa kanila na ang pangala'y Agabo, at sa kapangyarihan ng Espiritu ay nagpahayag na magkakaroon ng matinding taggutom sa buong daigdig. Nangyari nga iyon noong kapanahunan ni Emperador Claudio.