Mga Gawa 11:3-5

Magandang Balita Biblia

³ “Bakit ka pumasok sa bahay ng mga di-tuling Hentil at nakisalo pa sa kanila?” tanong nila.

⁴ Kaya't isinalaysay sa kanila ni Pedro ang buong pangyayari.

⁵ “Ako'y nasa lungsod ng Joppa at nananalangin nang magkaroon ako ng isang pangitain. Mula sa langit ay ibinabâ sa kinaroroonan ko ang isang tila malaking kumot na nakabitin sa apat na sulok.