Mga Gawa 12:20-22

Magandang Balita Biblia

Ang Pagkamatay ni Herodes

²⁰ Matagal^(A) nang galit si Herodes sa mga taga-Tiro at mga taga-Sidon. Kaya't sama-samang lumapit sa kanya ang mga taga-Tiro at taga-Sidon upang makipagkasundo, sapagkat sa lupain ng hari nanggagaling ang ikinabubuhay ng kanilang bayan. Nakiusap sila kay Blasto, ang tagapamahala sa palasyo, upang sila'y samahan. ²¹ Pagsapit ng takdang araw, si Herodes ay nagsuot ng damit-hari, umupo sa trono, at nagtalumpati. ²² Sumigaw ang mga taong-bayan, “Isang diyos ang nagsasalita, hindi tao!”