Mga Gawa 20:32-34

Magandang Balita Biblia

³² “At ngayo'y itinatagubilin ko kayo sa Diyos at sa kanyang salitang nagpapahayag ng kanyang kagandahang-loob. Ito ang makakapagpatibay sa inyo at makakapagbigay ng mga pagpapalang inilaan sa lahat ng kanyang ginawang banal. ³³ Hindi ko hinangad ang ginto, pilak o pananamit ninuman. ³⁴ Alam ninyong nagbanat ako ng buto upang kumita ng ikabubuhay naming magkakasama.