Mga Gawa 21:20-22

Ang Biblia (1978)

²⁰ At sila, nang kanilang marinig yaon, ^(A)ay niluwalhati ang Dios; at sa kaniya'y sinabi nila, Nakikita mo na, kapatid, kung ilang libo-libo ang mga Judio na nagsisisampalataya; at silang lahat ay pawang ^(B)masisikap sa kautusan.

²¹ At nabalitaan nila tungkol sa iyo, na itinuturo mo sa lahat ng mga Judio na nangasa mga Gentil na magsihiwalay kay Moises, na sinasabi mo sa kanila na huwag tuliin ang kanilang mga anak ni mangagsilakad ng ayon sa mga ^(C)kaugalian.

²² Ano nga baga ito? tunay na kanilang mababalitaang dumating ka.