Mga Gawa 21:4-6

Ang Biblia (1978)

⁴ At nang masumpungan ang mga alagad, ay nangatira kami doong pitong araw: at sinabi ng mga ito kay Pablo na ^(A)sa pamamagitan ng Espiritu, na huwag siyang tutungtong sa Jerusalem.

⁵ At nang mangyari na maganap namin ang mga araw na yaon, ay nagsialis kami at nangagpatuloy sa aming paglalakbay: at silang lahat, pati ng mga asawa at mga anak, ^(B)ay humatid sa amin sa aming paglalakad hanggang sa labas ng bayan: at sa paninikluhod namin sa baybayin, kami'y nagsipanalangin, at nangagpaalaman sa isa't isa;

⁶ At nagsilulan kami sa daong, datapuwa't sila'y muling nagsiuwi sa bahay.