Mga Gawa 21:5-7

Magandang Balita Biblia (with Deuterocanon)

⁵ Nang dumating ang araw ng aming pag-alis, nagpatuloy kami sa paglalakbay. Kami ay inihatid nilang lahat, kasama ang kanilang mga asawa't mga anak, hanggang sa labas ng lungsod. Pagdating sa tabing-dagat, lumuhod kaming lahat at nanalangin. ⁶ Pagkatapos naming magpaalam, sumakay na kami sa barko, at sila'y nagsiuwi na.

⁷ Mula sa Tiro, nagpatuloy kami ng paglalakbay at nakarating kami sa Tolemaida. Kinumusta namin ang mga kapatid at tumigil kami doon nang isang araw.