Mga Gawa 27:30-32

Magandang Balita Biblia

³⁰ Tinangka ng mga mandaragat na tumakas mula sa barko kaya't ibinabâ nila sa tubig ang bangka, at kunwari'y maghuhulog ng angkla sa unahan ng barko. ³¹ Ngunit sinabi ni Pablo sa kapitan at sa mga sundalo, “Kapag hindi nanatili sa barko ang mga taong iyan, hindi kayo makakaligtas.” ³² Kaya't nilagot ng mga kawal ang lubid ng bangka at hinayaan itong mahulog.