Mga Gawa 27:41-43

Magandang Balita Biblia

⁴¹ Ngunit nasadsad ang barko sa parteng mababaw. Bumaon ang unahan ng barko kaya't hindi makaalis. Samantala, ang hulihan naman ay nawasak dahil sa kahahampas ng malalakas na alon.

⁴² Binalak ng mga kawal na patayin ang mga bilanggo upang walang makalangoy at makatakas. ⁴³ Subalit nais ng kapitan ng mga kawal na iligtas si Pablo kaya pinagbawalan nito ang mga kawal. Sa halip, pinatalon niya sa tubig ang lahat ng marunong lumangoy upang makarating sa pampang.