Mga Gawa 28:1-3

Ang Biblia, 2001

Sa Malta

28 Nang kami'y makaligtas na, noon namin nalaman na ang pulo ay tinatawag na Malta.

² Pinagpakitaan kami ng hindi karaniwang kabutihan ng mga katutubo, sapagkat sila'y nagsiga, at tinanggap kaming lahat, dahil sa nagsimula nang umulan at maginaw.

³ Ngunit pagkatapos matipon ni Pablo ang isang bigkis na kahoy at mailagay sa apoy, lumabas ang isang ulupong dahil sa init, at kumapit sa kanyang kamay.