Mga Gawa 5:14-16

Magandang Balita Biblia

¹⁴ Samantala, parami nang parami ang mga lalaki at babaing sumasampalataya sa Panginoon. ¹⁵ Dinadala sa mga lansangan ang mga maysakit at inilalagay sa mga papag at banig upang pagdaan ni Pedro ay matamaan man lamang ng kanyang anino ang ilan sa kanila. ¹⁶ Dumating din ang maraming tao mula sa mga karatig-bayan ng Jerusalem, dala ang kanilang mga maysakit at mga pinapahirapan ng masasamang espiritu; at gumaling silang lahat.