Mga Gawa 5:37-39

Ang Biblia (1978)

³⁷ Pagkatapos ng taong ito ay lumitaw si Judas na taga Galilea nang mga araw ng ^(A)pagpapasulat, at nakahila siya ng marami sa bayan: siya'y nalipol rin; at ang lahat ng sa kaniya'y nagsisunod ay pawang nagsipangalat.

³⁸ At ngayo'y sinasabi ko sa inyo, Huwag kayong mangakialam sa mga taong ito, at pabayaan ninyo sila: sapagka't kung ang pasiyang ito, o ang gawang ito ay sa mga tao, ay mawawasak:

³⁹ Datapuwa't kung sa Dios, ay hindi ninyo maiwawasak; baka pa kayo'y mangasumpungan ^(B)na nangakikihamok laban sa Dios.