Mga Gawa 6:9-11

Magandang Balita Biblia (with Deuterocanon)

⁹ Minsan, nakipagtalo sa kanya ang ilang kasapi sa sinagoga ng mga Pinalaya^[a], na binubuo ng mga Judiong taga-Cirene, Alejandria, Cilicia, at Asia^[b]. ¹⁰ Ngunit hindi nila kayang salungatin ang karunungang kaloob ng Espiritu kay Esteban. ¹¹ Kaya't lihim nilang sinulsulan ang ilang lalaki na magpatotoo laban sa kanya ng ganito, “Narinig naming nilalait niya si Moises at ang Diyos.”