Mga Gawa 7:49-51

Magandang Balita Biblia

⁴⁹‘Ang^(A) langit ang aking trono,’ sabi ng Panginoon,
‘at ang lupa ang aking tuntungan.
Anong uri ng bahay ang itatayo ninyo para sa akin,
o anong lugar ang pagpapahingahan ko?
⁵⁰Hindi ba't ako ang gumawa ng lahat ng ito?’

⁵¹“Napakatigas^(B) ng ulo ninyo! Ang mga puso at tainga ninyo ay parang sa mga pagano! Kung ano ang ginawa ng inyong mga ninuno, iyon din ang ginagawa ninyo ngayon. Lagi ninyong nilalabanan ang Espiritu Santo.