Mga Gawa 8:26-28

Ang Biblia, 2001

Si Felipe at ang Pinunong Taga-Etiopia

²⁶ Pagkatapos ay sinabi ng isang anghel ng Panginoon kay Felipe, “Tumindig ka at pumunta patungong timog, sa daang pababa mula sa Jerusalem patungong Gaza.” Ito'y isang ilang na daan.

²⁷ At tumindig nga siya at umalis. May isang lalaking taga-Etiopia, isang eunuko at tagapamahala ni Candace na reyna ng mga taga-Etiopia. Siya ang namamahala ng buong kayamanan ng reyna. Ang eunuko^[a] ay nagpunta sa Jerusalem upang sumamba.

²⁸ Siya'y pabalik na at nakaupo sa kanyang karwahe, binabasa niya ang propeta Isaias.