Mga Gawa 9:40-42

Ang Bagong Tipan: Filipino Standard Version

⁴⁰ Pinalabas silang lahat ni Pedro, at pagkatapos ay lumuhod at nanalangin. Bumaling siya sa bangkay at kanyang sinabi, “Tabitha, bumangon ka.” Iminulat ni Dorcas ang kanyang mga mata, at naupo nang makita niya si Pedro. ⁴¹ Iniabot ni Pedro sa kanya ang kanyang kamay at siya'y itinindig. Pagkatapos tawagin ang mga banal at ang mga babaing balo, siya'y iniharap niyang buháy. ⁴² Napabalita ito sa buong Joppa at marami ang sumampalataya sa Panginoon.