Mga Gawa 9:7-9

Magandang Balita Biblia (with Deuterocanon)

⁷ Natigilan at hindi makapagsalita ang mga kasama ni Saulo nang marinig nila ang tinig ngunit wala naman silang makitang nagsasalita. ⁸ Tumayo si Saulo at pagmulat niya ay hindi siya makakita, kaya't siya'y inakay ng mga kasama niya at dinala sa Damasco. ⁹ Hindi siya nakakita sa loob ng tatlong araw at hindi rin siya kumain ni uminom.