Mga Hukom 11:31-33

Ang Biblia (1978)

³¹ Ay mangyayari nga, na sinomang lumabas na sumalubong sa akin sa mga pintuan ng aking bahay, pagbalik kong payapa na galing sa mga anak ni Ammon, ay ^(A)magiging sa Panginoon, ^(B)at aking ihahandog na pinakahandog na susunugin.

³² Sa gayo'y nagdaan si Jephte sa mga anak ni Ammon upang lumaban sa kanila; at sila'y ibinigay ng Panginoon sa kaniyang kamay.

³³ At sila'y sinaktan niya ng di kawasang pagpatay mula sa Aroer hanggang sa ^(C)Minnith, na may dalawang pung bayan, at hanggang sa Abelkeramim. Sa gayo'y sumuko ang mga anak ni Ammon sa mga anak ni Israel.