Mga Hukom 15:4-6

Ang Biblia (1978)

⁴ At yumaon si Samson at humuli ng tatlong daang zorra at kumuha ng mga sigsig at pinag-kabitkabit ang mga buntot, at nilagyan ng isang ^(A)sigsig sa gitna ng pagitan ng bawa't dalawang buntot.

⁵ At nang kaniyang masulsulan ang mga sigsig, ay kaniyang binitiwan sa nakatayong trigo ng mga Filisteo at ^(B)sinunog kapuwa ang mga mangdala at ang nakatayong trigo, at gayon din ang mga olibohan.

⁶ Nang magkagayo'y sinabi ng mga Filisteo, Sinong gumawa nito? At kanilang sinabi, Si Samson na manugang ni Timnateo, sapagka't kaniyang kinuha ang asawa niya at ibinigay sa kaniyang kasama. ^(C)At sumampa ang mga Filisteo, at sinunog ang babae at ang kaniyang ama.