Mga Hukom 18:16-18

Magandang Balita Biblia

¹⁶ Samantalang naghihintay sa tarangkahan ang kasama nilang animnaraang kawal, ¹⁷ ang limang espiya ay tuluy-tuloy na pumasok sa bahay ni Micas at kinuha ang mga diyus-diyosan doon, pati ang nababalot ng pilak. Ang pari naman ay nasa tarangkahan, kasama ng animnaraang kawal.

¹⁸ Nang makita ng pari na sinamsam ng limang lalaki ang mga imahen, itinanong niya, “Anong ginagawa ninyo?”