Mga Hukom 20:27-29

Magandang Balita Biblia (with Deuterocanon)

²⁷ Muli silang sumangguni kay Yahweh. Noon, ang Kaban ng Tipan ng Diyos ay nasa Bethel ²⁸ sa pag-iingat ni Finehas na anak ni Eleazar at apo ni Aaron. Ang tanong nila, “Lulusubin po ba namin muli ang mga kapatid naming Benjaminita o titigil na kami?”

Sumagot si Yahweh, “Lumusob kayo muli at bukas ng umaga'y pagtatagumpayin ko kayo laban sa kanila.”

²⁹ Ang mga Israelita'y naglagay ng mga kawal na nakakubli sa palibot ng Gibea.