Mga Hukom 5:23-25

Ang Biblia (1978)

²³ Sumpain ninyo si Meroz, sabi ng anghel ng Panginoon,
Sumpain ninyo ng kapaitpaitan ang mga tagaroon sa kaniya;
^(A)Sapagka't sila'y hindi naparoon na tumulong ^(B)sa Panginoon,
Na tumulong sa Panginoon, laban sa mga makapangyarihan.
²⁴ Pagpalain sa lahat ng babae si Jael,
Ang asawa ni Heber na Cineo,
Pagpalain siya sa lahat ng babae sa tolda.
^25 (C)Siya'y humingi ng tubig, at binigyan niya ng gatas;
Kaniyang binigyan siya ng mantekilya sa pinggang mahal.