Mga Kawikaan 1:21-23

Ang Biblia, 2001

²¹ Siya'y sumisigaw sa mga panulukan;
    sa pasukan ng mga pintuang-bayan, kanyang sinasabi:
²² “Hanggang kailan, O mga walang muwang, kayo'y iibig sa inyong kawalang kaalaman?
Hanggang kailan ang mga manunuya ay matutuwa sa panunuya,
    at ang mga hangal ay mamumuhi sa kaalaman?
²³ Sa aking saway ay bumaling kayo;
narito, ibubuhos ko ang aking espiritu sa inyo.
    Ang mga salita ko'y ipapaalam ko sa inyo.