Mga Kawikaan 10:5-7

Magandang Balita Biblia (with Deuterocanon)

⁵ Ang nag-iimbak kung tag-araw ay nagpapakilala ng katalinuhan,
    ngunit ang natutulog kung anihan ay nag-iipon ng kahihiyan.
⁶ Ang matuwid ay mag-aani ng pagpapala't kabutihan,
    ngunit ang bibig ng masama ay nagtatakip ng karahasan.
⁷ Ang alaala ng matuwid, mananatili kailanman,
    ngunit pangalan ng masama ay tiyak na mapaparam.