Mga Kawikaan 10:7-9

Magandang Balita Biblia (with Deuterocanon)

⁷ Ang alaala ng matuwid, mananatili kailanman,
    ngunit pangalan ng masama ay tiyak na mapaparam.
⁸ Magandang payo'y tinatanggap ng pusong may unawa,
    ngunit kapahamakan ang wakas ng mangmang na masalita.
⁹ Ang namumuhay nang tapat ay pinaghaharian ng kapayapaan,
    ngunit ang may likong landas ay malalantad balang araw.