Mga Kawikaan 13:18-20

Magandang Balita Biblia (with Deuterocanon)

¹⁸ Kahihiyan ang kasasadlakan ng hindi nakikinig sa saway,
    ngunit ang tumatanggap ng payo ay mag-aani ng karangalan.
¹⁹ Ang pangarap na natupad ay may dulot na ligaya,
    ngunit ayaw iwan ng masama ang kasamaan niya.
²⁰ Ang^(A) nakikisama sa may unawa ay magiging matalino,
    ngunit ang kasama ng mangmang ay masusuong sa gulo.