Mga Kawikaan 13:20-22

Magandang Balita Biblia (with Deuterocanon)

²⁰ Ang^(A) nakikisama sa may unawa ay magiging matalino,
    ngunit ang kasama ng mangmang ay masusuong sa gulo.
²¹ Ang hinaharap ng masama ay kahirapan sa buhay,
    ngunit sagana ang pagpapalang sa matuwid ay naghihintay.
²² Ang matuwid ay nag-iiwan ng pamana hanggang sa kaapu-apuhan,
    at sa matuwid nauuwi ang naipon ng isang makasalanan.