Mga Kawikaan 19:15-17

Magandang Balita Biblia (with Deuterocanon)

¹⁵ Ang taong tamad ay laging nakatihaya;
    kaya't siya'y magugutom, walang panlagay sa sikmura.
¹⁶ Ang tumutupad sa kautusan ay nag-iingat ng kanyang buhay,
    at ang nagwawalang-bahala sa utos ay tiyak na mamamatay.
¹⁷ Parang pagpapautang kay Yahweh ang pagtulong sa mahirap,
    at pagdating ng panahon, si Yahweh ang magbabayad.