Mga Kawikaan 5:19-21

Ang Biblia, 2001

¹⁹ Gaya ng magandang usa at mahinhing babaing usa,
bigyan kang kasiyahan ng dibdib niya sa tuwina,
    at sa kanyang pag-ibig ay laging malugod ka.
²⁰ Sapagkat, bakit anak ko, sa mapangalunyang babae ay malulugod ka,
    at yayakap sa dibdib ng babaing banyaga?
²¹ Sapagkat ang mga lakad ng tao ay nasa harap ng mga mata ng Panginoon,
    at kanyang sinisiyasat ang lahat niyang mga landas.