Mga Panaghoy 1:12-14

Ang Biblia (1978)

¹² Wala bagang anoman sa inyo, sa inyong lahat na nagsisipagdaan?
Inyong masdan, at inyong tingnan kung may anomang kapanglawan na gaya ng aking kapanglawan, na nagawa sa akin,
Na idinalamhati sa akin ng Panginoon sa kaarawan ng kaniyang mabangis na galit.
¹³ Mula sa itaas ay nagsugo siya ng apoy sa aking mga buto, at mga pinananaigan;
^(A)Kaniyang ipinagladlad ng silo ang aking mga paa, kaniyang ibinalik ako:
Kaniyang ipinahamak ako at pinapanglupaypay buong araw.
¹⁴ Pamatok ng aking mga pagsalangsang ^(B)ay hinigpit ng kaniyang kamay;
^(C)Mga nagkalakiplakip, nagsiabot sa aking leeg; kaniyang pinanglupaypay ang aking kalakasan:
Ibinigay ako ng Panginoon sa kanilang mga kamay, laban sa mga hindi ko matatayuan.