Mga Panaghoy 1:19-21

Ang Biblia, 2001

¹⁹ “Tinawagan ko ang aking mga mangingibig,
    ngunit dinaya nila ako;
ang aking mga pari at matatanda ay napahamak sa lunsod,
habang nagsisihanap sila ng pagkain
    upang ang lakas nila'y panumbalikin.

²⁰ “Masdan mo, O Panginoon; sapagkat ako'y nahahapis,
    ang aking kaluluwa ay naguguluhan,
ang aking puso ay nagugulumihanan;
    sapagkat ako'y lubhang naghimagsik.
Sa lansangan ang tabak ay pumapatay;
    ito'y gaya ng kamatayan sa bahay.

²¹ “Nabalitaan nila na ako'y dumaraing;
    walang sinumang umaliw sa akin;
narinig ng lahat ng aking mga kaaway ang aking kabagabagan;
    sila'y natutuwa na iyong ginawa iyon.
Paratingin mo ang araw na iyong ipinahayag,
    at sila'y magiging gaya ko.