Mga Panaghoy 1:20-22

Ang Biblia, 2001

²⁰ “Masdan mo, O Panginoon; sapagkat ako'y nahahapis,
    ang aking kaluluwa ay naguguluhan,
ang aking puso ay nagugulumihanan;
    sapagkat ako'y lubhang naghimagsik.
Sa lansangan ang tabak ay pumapatay;
    ito'y gaya ng kamatayan sa bahay.

²¹ “Nabalitaan nila na ako'y dumaraing;
    walang sinumang umaliw sa akin;
narinig ng lahat ng aking mga kaaway ang aking kabagabagan;
    sila'y natutuwa na iyong ginawa iyon.
Paratingin mo ang araw na iyong ipinahayag,
    at sila'y magiging gaya ko.

²² “Dumating nawa ang lahat nilang kasamaan sa harapan mo;
    at gawin mo sa kanila
ang gaya ng sa akin ay ginawa mo,
    dahil sa lahat kong mga pagsuway;
sapagkat marami ang mga daing ko,
    at nanghihina ang puso ko.”