Mga Panaghoy 1:8-10

Ang Biblia (1978)

⁸ Ang Jerusalem ay lubhang nagkasala; kaya't siya'y naging parang maruming bagay;
Lahat ng nangagparangal sa kaniya ay humahamak sa kaniya, sapagka't ^(A)kanilang nakita ang kaniyang kahubaran:
Oo, siya'y nagbubuntong-hininga, at tumatalikod.
⁹ Ang kaniyang karumihan ay nasa kaniyang mga laylayan; ^(B)hindi niya naalaala ang kaniyang huling wakas;
Kaya't siya'y nababa ng katakataka; siya'y walang mangaaliw;
Masdan mo, Oh Panginoon, ang aking pagdadalamhati; sapagka't ang kaaway ay nagmalaki.
¹⁰ Iginawad ng kalaban ang kaniyang kamay sa lahat niyang maligayang bagay;
Sapagka't nakita niya na ang mga bansa ay ^(C)pumasok sa kaniyang santuario,
^(D)Yaong mga inutusan mo na huwag magsipasok sa iyong kapisanan.