Mga Panaghoy 2:19-21

Ang Biblia (1978)

¹⁹ Bumangon ka, humiyaw ka sa gabi, sa pasimula ng ^(A)mga pagpupuyat;
^(B)Ibuhos mo ang iyong puso na parang tubig sa harap ng mukha ng Panginoon:
Igawad mo ang iyong mga kamay sa kaniya dahil sa buhay ng ^(C)iyong mga batang anak, na nanglulupaypay sa gutom sa dulo ng lahat na lansangan.
²⁰ Tingnan mo, Oh Panginoon, at masdan mo, kung kanino mo ginawa ang ganito!
^(D)Kakanin baga ng mga babae ang kanilang ipinanganak, ang mga anak na kinakalong sa mga kamay?
Papatayin baga ang saserdote at ang propeta sa santuario ng Panginoon?
²¹ Ang binata at ang matanda ay humihiga ^(E)sa lupa sa mga lansangan;
Ang aking mga dalaga at ang aking mga binata ay nangabuwal sa tabak:
Iyong pinatay sila sa kaarawan ng iyong galit; ^(F)iyong pinatay at hindi ka naawa.