Mga Panaghoy 2:21-22

Ang Biblia, 2001

²¹ Ang bata at ang matanda ay nakahiga
    sa alabok ng mga lansangan.
Ang aking mga dalaga at mga binata
    ay nabuwal sa pamamagitan ng tabak;
pinatay mo sila sa araw ng iyong galit;
    pinatay mo nang walang awa.

²² Nag-anyaya ka
    na gaya ng sa araw ng takdang kapistahan,
ang aking mga kakilabutan ay nasa bawat panig;
at sa araw ng galit ng Panginoon
    ay walang nakatakas o nakaligtas;
yaong aking mga kinalong at pinalaki ay nilipol ng aking kaaway.