Mga Panaghoy 4:11-13

Ang Biblia, 2001

¹¹ Nilubos ng Panginoon ang kanyang poot,
    ibinuhos niya ang kanyang matinding galit.
At siya'y nagpaningas ng apoy sa Zion,
    na tumupok sa mga pundasyon nito.

¹² Ang mga hari sa lupa ay hindi naniwala,
    o sinuman sa mga naninirahan sa sanlibutan,
na ang kaaway at ang kalaban ay makakapasok
    sa mga pintuan ng Jerusalem.

¹³ Ito'y dahil sa mga kasalanan ng kanyang mga propeta,
    at sa mga kasamaan ng kanyang mga pari,
na nagpadanak sa gitna niya ng dugo ng mga matuwid.