Mikas 1:10-12

Magandang Balita Biblia (with Deuterocanon)

¹⁰ Huwag ninyong ibalita sa Gat ang ating pagkatalo.
    Huwag ninyong ipapakita sa kanya ang inyong pagtangis.
Sa bayan ng Afra kayo maglupasay.
¹¹ Mga taga-Safir, magpabihag kayo,
    at hayaan ninyong kayo'y itapong nakahubad
    at kahiya-hiya ang kalagayan.
Mga taga-Zaanan, huwag kayong umalis sa inyong lunsod.
Sa pamimighati ng Bethezel,
    malalaman ninyong hindi na ito maaaring pagkanlungan.
¹² Ang mga taga-Marot ay nababalisang hinihintay ang saklolo,
    sapagkat malapit na sa Jerusalem ang kapahamakang ipinadala ni Yahweh.