Mikas 1:8-10

Ang Biblia, 2001

⁸ Dahil dito tataghoy ako at tatangis,
    ako'y aalis na nakayapak at hubad;
ako'y uungol na parang asong-gubat
    at tatangis na gaya ng mga buwitre.
⁹ Sapagkat ang kanyang mga sugat ay walang lunas;
    at ito'y dumating sa Juda;
ito'y umabot hanggang sa pintuan ng aking bayan,
    hanggang sa Jerusalem.

¹⁰ Huwag ninyo itong sabihin sa Gat,
    huwag kayong tumangis,
sa Bethle-Aphra
    ay gumulong kayo sa alabok.