Mikas 7:12-14

Ang Biblia, 2001

¹² Sa araw na iyon ay pupunta sila sa iyo
    mula sa Asiria at sa mga lunsod ng Ehipto,
at mula sa Ehipto hanggang sa Ilog,
    at mula sa dagat hanggang sa dagat, at mula sa bundok hanggang sa bundok.
¹³ Ngunit masisira ang lupa
    dahil sa kanila na naninirahan doon,
    dahil sa bunga ng kanilang mga gawa.

¹⁴ Pastulin mo ang iyong bayan sa pamamagitan ng iyong tungkod,
    ang kawan na iyong mana,
na mag-isang naninirahan sa gubat
    sa gitna ng mabungang lupain;
pakainin mo sila sa Basan at sa Gilead,
    gaya ng mga araw noong una.