Mikas 7:2-4

Ang Biblia (1978)

² Ang mabuting tao ay namatay ^(A)sa lupa, at wala nang matuwid sa mga tao: silang lahat ay nagsisibakay upang magbubo ng dugo; hinuhuli ng bawa't isa ang kaniyang kapatid sa pamamagitan ng silo.

³ Ang kanilang mga kamay ay nangasa kasamaan upang sikaping isagawa; ^(B)ang prinsipe ay humihingi, at ^(C)ang hukom ay maagap sa suhol; at ang dakilang tao ay nangagsasalita ng masamang hangad ng kaniyang kaluluwa: ganito nila nilalala.

⁴ Ang pinakamahusay sa kanila ^(D)ay parang dawag; ang pinakamatuwid ay masama kay sa isang bakod na tinikan: ang araw ng inihula sa iyo ng mga ^(E)bantay, sa makatuwid baga'y ang araw ng pagdalaw sa iyo, ay dumating; ngayo'y mangatitigilan sila.